首輪推介 揭幕戰白俄冰島大駁火

魑魅魍魉

11/06/2011
文： 巨高

今屆U21歐國盃嘅揭幕大戰係由白俄羅斯U21對冰島U21。兩支球隊未入決賽周之前都畀到大家唔少驚喜，相信雙方球員都唔會有太大心理包袱，盡量享受比賽係最大目標，入球大盤值得留意。




白俄羅斯近年青訓計劃做得唔錯，先後於04及09年打入呢項賽事嘅決賽周。而最令人意外嘅係球隊今屆喺附加賽成功淘汰5屆盟主意大利U21，可見絕對唔可以低估佢哋。


兩軍皆有入波本錢


另外喺分組賽中，白俄羅斯已經展現過相當不俗嘅入球能力，每場平均取得2球，預計今場對冰島絕會全力搶攻，希望取得佢哋喺決賽周歷來嘅首場勝仗。




至於冰島亦都唔嘢小，先喺分組賽力壓上屆冠軍德國，繼而附加賽再贏蘇格蘭，歷史上首度取得決賽周資格。而冰島攻力亦相當強勁，8場外圍賽共攻入29球，數字竟屬分組賽之冠，既然進攻係冰島最大爭勝本錢，故預計今仗會與白俄羅斯鬥攻，互轟場合肯定多波入，大盤冇理由錯過。