伊巴謙領軍瑞典搶芬

魑魅魍魉

07/06/2011
文： 亨格比利

歐國盃外圍賽今晚戰火重燃，瑞典為收窄同E組榜首荷蘭嘅距離，今晚主場對住芬蘭誓必全力搶攻，加上王牌前鋒伊巴謙莫域趕及傷愈披甲，要食芬蘭呢道「私房菜」話咁易，一於敲1.95倍「讓球主勝」。（廣東體育周三凌晨2:00直播）


芬蘭對賽輸一條街


先講吓E組形勢，榜首嘅荷蘭6戰贏晒揸住18分，少踢1場嘅「二哥」瑞典一旦贏波，即可將差距收窄到3分，要後來居上爭首名出線仲有價講，戰意好鮮明。瑞典上輪以4:1大勝摩爾多瓦，一對箭頭托禾倫同艾文達合力轟入3球，賽前有消息指隊長伊巴謙莫域可趕及傷愈復出，前線可謂如虎添翼！




暫列小組尾3嘅芬蘭，歷來對住瑞典只獲9勝11和63負嘅一面倒戰績，擺明畀對手食住，加上佢哋客場表現麻麻，早排喺小組造訪摩爾多瓦淨吞兩蛋，上輪作客魚腩聖馬力諾亦只係贏得1粒咁大把，今鋪對住來勢洶洶嘅瑞典唔似有運行。