加納當弗強打太極虎

魑魅魍魉

07/06/2011
文： ComboKing

今日推介三場國際熱身賽，其中一場由亞洲足協球隊澳洲主場對塞爾維亞。兩支球隊世界排名相當接近，澳洲就算有主場之利都未見有太大優勢，要讓波就唔多穩。始終塞爾維亞有唔少好球員助陣，論人腳質素唔會差得過澳洲，受讓情況下阿King睇好塞軍「讓球客勝」。（周二下午5時30分開賽）


塞爾維亞齊腳捉袋鼠


澳洲最近一場熱身就以三比○淨勝新西蘭，不過對手實力有限，澳洲能夠輕勝好正常，但今次對手係塞爾維亞，澳洲未必會踢得咁瀟灑。至於塞爾維亞方面，雖然今場只係熱身賽，但球隊仍選多名主力出戰，當中包括隊長史坦高域、曼城重炮高拉洛夫及費倫天拿中場拿積。呢班球員踢慣歐洲高水平賽事，對住澳洲一定唔輸蝕，受讓一定要𥄫實。




另一場熱身賽由南韓主場對加納，非洲球隊加納今年表現出色，連同非國盃外圍賽及熱身賽都未嘗敗績，其中三月尾作客打和英格蘭更加係代表作。而且非洲球員好氣好力，體能方面同南韓球員有得揮。今場「太極虎」南韓要讓波唔多抵玩，「讓球客勝」可以留意。




最後厄瓜多爾中立場對希臘，細盤開出機高。厄瓜多爾下個月將出戰美洲國家盃，熱身賽一定唔會拚盡以免受傷。而希臘向來擅守不擅攻，保守打法亦難取入球。今場入球唔會多，細盤咪錯過。