阿塞拜疆做硬德國細界

魑魅魍魉

07/06/2011
文： Mic少

歐國盃外圍賽A組，榜首德國將會作客阿塞拜疆，德國上仗僅險勝奧地利，表現令人失望，球隊失準主因係傷兵問題嚴重，現時只有馬里奧高美斯一位正宗前鋒可用，令進攻瓣數受限制。阿塞拜疆遇勁旅勢必擺鐵桶陣死守，德國殘陣要入波有難度，而且今場入球大細中位數3.5球，捧細為妙。（有線61及64台周三凌晨1時直播）


傷兵潮德國拉雜成軍


德國上輪比賽前，已有射手高路斯、中場舒韋恩史迪加、施雲賓特、馬高列奧斯及德拉舒先後因傷退隊，依家連中場基迪拉亦缺陣，領隊勒夫惟有臨時從U21國家隊抽調緬恩斯中場賀治比及賀芬咸中場施巴斯坦魯迪，勉強組成十八人大軍名單，老實講兩位小將經驗淺，級數亦有限，只作不時之需，對球隊幫助唔大。雖然馬里奧高美斯狀態大勇，上仗梅開二度，但畢竟獨力難支，而且對手今仗亦會特別對佢嚴加看管。




雖然阿塞拜疆於外圍賽五戰僅得一勝四負，包括首循環作客以一比六慘敗於德國腳下，但要留意阿軍四場敗仗全屬作客，唯一一場主場就以一比○擊敗土耳其，證明佢哋佔地利情況下踢高幾班波，今仗就算輸波，估計都係小敗。




值得一提，阿塞拜疆兩年前世界盃外圍賽主場對德國，只係輸○比二，今場入球大細中位數3.5球，捧細最划算。