摩納哥自救話之里

猪拉多纳

29/05/2011
文： 笛子波童

法甲今晚煞科，焦點落在榜尾護級，目前有七支球隊仲未擺脫降班威脅，當中尼斯、華倫西恩斯正面對撼，換句話說七支球隊邊隊贏波就肯定上岸，主動權掌握在自己手上。另一邊廂，里爾、馬賽已穩奪下屆歐聯參賽資格，里昂、巴黎聖日耳門將會角逐餘下一張歐聯入場券。今晚十場比賽同時間開波，最矚目係摩納哥主場鬥里昂。（now 634周一凌晨3時直播）




摩納哥目前僅得四十四分排尾三，但正如剛才所講，由於排十五位嘅華倫西恩斯會對十四位嘅尼斯，故此肯定有一隊得分未能達四十七分，摩納哥只要贏波便肯定上岸。一旦打和的話，就要望南錫或卡昂其中一隊輸波，又或者華倫西恩斯大敗才有生機，故此摩納哥求勝決心毋庸置疑。




摩納哥係今季聯賽主場入波第二少球隊，僅比榜尾阿勒斯多三球，但去到季尾於背城借一情況下，已經連續保持四場主場不敗，對手包括里爾、雷恩、巴黎聖日耳門等前列球隊，今仗受讓平半好路。


里昂冇態讓波靠唔住


里昂上周末面對護級分子卡昂都贏唔到，狀態同信心一般，而且佢哋近五場作客聯賽未贏過，作客勝出率亦不足三成。有一點要留意，里昂現以兩分領先第四位嘅巴黎聖日耳門，而且得失球差領先四球，就算佢哋和波，只要聖日耳門未能大勝聖伊天，里昂都可保住第三名，故此里昂作客讓波唔值博。




至於其他賽事，南錫、卡昂兩支護級隊伍同於主場迎戰風流波對手，南錫連贏尼斯、雷恩士氣如虹，有力擊敗已篤定降班嘅朗斯，捧「讓球主勝」。卡昂對手馬賽已穩奪聯賽亞軍，戰意不高，卡昂主W值得支持。


法甲推介


摩納哥（下盤）

南錫 讓球主勝

卡昂 勝