碧咸下廚銀河搞革命

港陌

28/05/2011
文： 朱楓

「大廚」碧咸返嚟啦！聽朝洛杉磯銀河喺美職作客新英倫革命，將有「助攻王」碧咸回歸，進攻即時立體晒，加上一眾主力踢埋今場就會離隊踢美洲金盃，臨別秋波，相信都會加多兩錢肉緊幫銀河擴大領先優勢，2.05倍客W要捧！（now633及660台周日早上8:00直播）




銀河中場碧咸近期人氣急升，皆因佢周中返英格蘭踢加利佬告別賽搶晒風頭，「七旋斬」寶刀未老，拍得住當弗時期，難得佢踢完波冇話攰，禮拜四已返美國波士頓會合隊友。啱啱周中冇碧咸仍然贏侯斯頓戴拿模嘅銀河，今場有番「萬人迷」在陣，火力肯定急升。


離隊踢金盃當路雲搏命


事實上，碧咸今季表現真係好出色，11次擔正唔止有1個入波，仲有6次助攻，暫時係美職助攻王，當中有5次更嚟自佢嘅罰球，都咪話唔恐怖，難怪佢好拍檔當路雲暫以8球排射手榜「冧巴溫」，值得一提，呢位美國前鋒同牙買加門將當奴雲歷格斯踢埋今場就會暫時離隊備戰美洲金盃，相信今場都會分外落力，誓幫銀河擴大榜首領先優勢。




上季排第13位嘅新英倫革命，今季表現仍然冇咩改善，暫時排第11。為備戰今場大戰銀河，革命周中喺美聯盃作客包尾球隊肯薩斯體育會竟換晒11名正選，結果開賽24分鐘就輸3球，最後大敗0:5出局。雖則話今場一班正選都會復出，但兩連敗嘅壓力對球員影響唔細，加上前拉素中場達保上陣成疑，前鋒文沙尼、中場史提芬麥卡菲同馬高柏洛域3位主力又未必出得，對住3連勝嘅銀河，就算有地利，想搶分唔係咁易！


是日推介


洛杉磯銀河




（客勝）2.05倍

清水心跳

（入球大）1.90倍

史提芬納治

（主勝）2.45倍

SAT 六（26）‧新英倫革命 Vs 洛杉磯銀河