操盤手撐祖記反彈

猪拉多纳

22/05/2011
文： 拆彈部隊

意甲煞科日其中一場由祖雲達斯主場對拿玻里，上輪祖雲達斯對帕爾馬輸得難睇，攻不銳兼守不穩，完全睇唔出佢哋係傳統意甲班霸，唔少球迷對「斑馬兵團」失晒信心。不過今場對住意甲季軍拿玻里，祖雲達斯贏波賠率仍不足兩倍。睇個勢祖雲達斯隨時會反彈，呢個主Ｗ咪錯過。




（周一凌晨2時45分開賽）




操盤手睇好祖雲達斯，除咗話有主場之利外，猛將卡錫及馬治斯奧復出亦係利好因素。上輪之所以攻唔入帕爾馬大門，好大程度與右路卡錫停賽有關係，今場復出對球隊側擊力會有極大幫助。


博洛尼亞可破悶局


相反，拿玻里前鋒卡雲尼因停賽關係要到下季先可復出，冇咗佢喺前面搵食差好遠，單靠拿維斯一人難免孤掌難鳴。況且拿玻里教練馬沙利來季極可能轉投祖雲達斯，喺未來老闆面前當然要稍作保留博取好感。




另外要留意博洛尼亞主場對巴里，主隊自從三月中擊敗萊切之後就再冇取勝，近況差到你唔信。但今場主Ｗ竟熱到得1.6倍，睇落博洛尼亞煞科日有望打破悶局。