前鋒操弗等開餐

魑魅魍魉

20/05/2011
文： 蘇豪

日職周五有場獨腳戲，大阪櫻花主場對川崎前鋒，櫻花今季於聯賽表現唔掂，至今五戰未嘗一勝，踢落明顯唔對辦，加上大軍嚟緊周中要出戰亞冠盃十六強賽事，今場難以集中精神爭勝，一於捧有1.73倍分頭嘅下盤。（周五晚6時開賽）




大阪櫻花季前放走多位主力，包括阿祖安奴費拉拿及家長昭博等，中前場要重新執過。球隊於亞冠盃表現唔錯，成功打入十六強，但於聯賽戰績勁差，開季五戰錄得四和一負，主場鬥仙台維加泰及新潟天鵝都打成平手，整體發揮只屬一般。




櫻花今輪可以夫添出擊，調配唔成問題，巴西箭頭洛迪高賓柏奧及中場金甫炅等新兵開始融入球隊，大軍前景唔差。不過，球隊嚟緊周中要出戰亞冠盃，對手更屬同市死敵大阪飛腳，相信幕後人會將重心放於下場大戰，今場難以出盡全力搏殺。




川崎前鋒聯賽六戰三勝三負，演出頗為飄忽，不過球隊上場力戰下擊敗勁旅鹿島鹿角，踢出本季代表作，王牌射手祖尼奴更取得今季首個士哥，明顯重現勇態，今次有力再次數胡。睇番上季對賽成績，前鋒上季作客同櫻花互交白卷，今次前鋒狀態比對手弗，今場贏埋都唔奇，穩陣啲可以捧下盤。


柏雷素爾聽日捕鯨


另外，聽日日職有唔少好嘢，衞冕球隊名古屋鯨魚會於主場對柏雷素爾，鯨魚現時傷兵滿營，超過半隊主力唔出得，近期接連受挫，加上要備戰亞冠盃賽事，面對超級升班馬柏雷素爾贏面唔高，要「讓球客勝」。（周六下午3時開賽）


日職優先推介


甲府風林 讓球客勝

柏雷素爾 讓球客勝

神戶勝利船 大