利伯泰迪主場話士

魑魅魍魉

18/05/2011
文： Mic少

明早上演南美自由盃八強次回合，頭場由利伯泰迪主場對沙士菲。阿根廷勁旅沙士菲首回合大勝三球，大把在手下爭勝意欲成疑；巴拉圭球隊利伯泰迪靠主場搵食，上圈亦係憑地利優勢反敗為勝晉級，小讓平半要上盤。 （有線61台周四早上6時30分直播）




沙士菲整體實力在利伯泰迪之上，首回合憑主場氣勢大勝三比○實屬正路，但由於球隊已經取得絕對優勢，今仗冇必要太進取。特別係阿甲聯賽爭標進入大直路，形勢非常激烈，沙士菲僅領先次席葛度爾古斯一分，榜首位置並唔穩陣。既然沙士菲已有三球在手，今場小敗都可以晉級，實在唔使浪費力量再贏多次，不如留力爭奪聯賽錦標好過。


沙士菲領先3粒輸得起


利伯泰迪今屆自由盃主場四戰取得三勝一和，上圈首回合作客一比三輸畀巴西富明尼斯，但次回合返回主場大勝三比○晉級，有上次成功經驗支持，有助提升利伯泰迪球員信心，爭取重演絕地反擊嘅好戲。




自由盃賽制係兩回合計打和的話，作客入球較多一方可晉級，若然作客入球一樣不設加時，即以互射十二碼分勝負，由於利伯泰迪冇作客入球在手，沙士菲今場就算輸一比四都可以晉級，小敗都收貨。