里昂作客曳讓唔起比斯特

猪拉多纳

16/05/2011
文： Combo King

是日法甲有場獨腳戲，比斯特主場對里昂，里昂今不如昔，踢落毫無霸氣，近五次作客一和四負，演出完全唔對辦，今場仲要學人讓波，梗係信唔過啦。比斯特仲要搶分護級，鬥志鮮明，捧「讓球主勝」。（周二凌晨３時開賽）




里昂曾幾何時雄霸法甲，不過，近年球隊水平大跌，今季已經奪標無望，大軍近期作客真係好曳，對上五場作客賽事不勝，近三場作客歐塞爾、圖盧茲同巴黎聖日耳門輸晒，而且一球都入唔到，表現非常唔對辦，真係唔多信得過！


比斯特未上岸要搶分


比斯特現時位列聯賽榜下游，仲未肯定上岸，餘下賽事仍然要醒醒定定，由於球隊作客戰績麻麻，更加需要珍惜主場搶分機會，球隊近三次主場出擊未輸過，包括面對巴黎聖日耳門同雷恩等前列分子，反映呢班波有料到，受讓有計。




跟住睇場瑞典超賽事，AIK蘇納主場對希爾星堡，AIK連續兩場輸波，但同屬作客賽事，今季球隊聯賽主場三戰全勝，演出硬淨，可捧「讓球主勝」。另外，特利堡主場對艾夫斯堡，特利堡近五戰不敗狀態大勇，呢場要「讓球主勝」。