賠率有路捉：機緣滙聚好夢重溫

魑魅魍魉

　　頭場五班1200米，「機緣滙聚」贏馬後一連幾仗冇影，但噚日早飛熱到不得了，41蚊大熱W，位置25蚊次熱門，試問邊有人估到﹖不過留意番呢隻馬喺上手吳定強度贏馬一役，隔夜早飛又係勁到不得了，結果係柏寶胯下收韁大勝，今晚又起用贏馬功臣柏寶，早飛又似足嗰場，且看係咪真係飛到馬又到。

　　第二場「友情友義」又係熱得離奇，至今只係贏過一場五班1000米，應該係匹短途馬，今晚扳到上一哩，居然係47蚊大熱門，位置14蚊大熱，加上鞍上人只係薛順強，簡直完全唔合理。不過記得上季谷草最後一戰，葉楚航交隻「八運寶」比即將掛靴嘅魯柏軒贏馬，莫非今晚又「醒」隻「友情友義」比薛順強，睇早飛真係好似。

　　 騎師王方面，韋達同柏寶爭緊冠軍騎師，相信騎師王非此即彼，而韋達雖然只得五駒，但隻隻都係實力馬，梗係捧韋達喇。

周仲