洪禮賢講馬：大進 定掂

魑魅魍魉

　　第六場三班1200米。「大進」（圖）上場贏馬姿勢具說服力，入到直路一經變速，衝到拉士100 米已經拋甩對手。其實，賽前還以為此駒性能正逐漸轉變，現階段應以1400米方是最佳射程，賽果卻令筆者對佢對法作出修正，可能到了下季才會跳此程的框框。總之今次加磅唔係多，排埋B欄1檔仲正（柏寶季內3匹此程1檔馬得2W1P），應穩入前列。

　　第七場三班1650米。「納帕二號」剛仗入Ｐ係超高難度動作，睇番當日10場谷草賽事，全日只係得3駒有本事後追上名，而此3駒之中，又僅得「納帕二號」嗰場前中段唔係偏快，所以，佢跑第三只係輸條頸甚有指標性，今場用韋達，有機會勝回一仗。