放縱一心等直路賽

魑魅魍魉

蘇保羅在5、6月份的手風認真麻麻，兩個月只各取一場頭馬。不過，練者揚言要在7月餘下賽事作最後衝刺，盡力多爭勝仗。周日沙田日賽，他派出的5匹正選馬中，報爭五班1000直路的「放縱」終於重返贏馬路程，練者直言這戰等待已久，擺明是有心求再捷。
       
「放縱」在港唯一頭馬在直路賽，周日一戰機不可失。

今季馬會賽程只安排兩場五班沙田1000米直路賽，對上一次在上年12 月尾舉行，該場頭馬正是由「放縱」贏得。蘇保羅認為「放縱」一切準備就緒，由贏馬拍檔潘頓執韁，可望於同程贏多一仗，他說：「經過一輪摸索和實驗，『放縱』的確以1000米直路賽最合發揮，可惜五班同程實在罕有。既然馬匹2月時曾流鼻血，需要休息一段長時間，便索性等到今仗於勝途才復出，以便養精蓄銳，做足備戰工夫，期望一擊即中。論狀態馬匹已具爭勝水準，早前由潘頓沿途按韁輕鬆試一課泥閘，走勢亦令人滿意，一切爭勝條件已齊備，相信牠不會令我失望。」
       
蘇保羅兩匹五班馬質態兼備，難怪有信心打破悶局。
安競上仗輸塞車

至於上仗降到五班表現立竿見影的「安競」，蘇保羅睇好其機會：「『安競』上仗降落五班作賽，加上除眼罩讓牠放鬆，威力立即呈現，若非尾段塞車無位可上，頭馬料可手到拿來，最後只跑獲一席殿軍，其實稍欠一點運氣。幸好拚後馬匹勇況依然，原班人馬續由柏寶爭五班1400米，有力憑班利打開勝門。」