馬主論戰

魑魅魍魉

誓顯本地實力

　　葉楚航谷戰成績向來唔曳，今次吼實佢手馬應該冇錯，最鍾意第六場「本地實力」，剛啱先響田草1600米跑第三，喺「騰雲駕霧」、「大家開心」等惡馬前面過終點，今次匆出轉嚟谷草跑條件限制賽，對手實力差一大截，睇嚟都係時候贏番一場。

　　另外推介第七場「明駿之寶」，近期集中響沙田上陣，對手太強之下冇表現可以理解，今次轉番嚟谷草跑，形勢即刻改觀，而且評分只係比對上一次贏馬時高一分，計落唔係冇權爆，要吼實。

任達華

希望之星博冷

　　原本我隻「電訊超星」今晚有份上陣，但馬房向我滙報隻馬嘅左前腳不良於行，所以最後都係決定退出。不過，我對於補上嚟嘅「希望之星」都幾睇好，雖然在港三戰無功，但今次首度轉嚟谷草跑，唔係冇變身條件，加埋一檔之助，隨時爆得。

　　另外要留意第七場「智友」，近兩場加眼罩之後，走勢的確係有進步，前仗響谷草一哩贏得清脆利落，上場增程跑谷草1800米，拉士同樣衝得好勁，今次繼續跑同程，再用柏寶操刀，可以補中。

張敬山

友情友義再贏

　　近來馬偉昌搏殺手風好順，剛啱亦憑「中環英雄」贏馬，我睇好佢今晚繼續有馬贏。最啱心水係第五場「友情友義」（圖），上場初跑谷草即以輕鬆姿態打開勝門，證明窄場性能好掂，今次上番四班跑亦唔會輸蝕，當起馬有權添食。

　　另外鍾意第二場「浪漫添馬」，雖然季初一直冇表現，但上場跑谷草一哩突然變身，只以鼻位輸畀「森淼盛」跑第二，證明唔係冇戰鬥力，賽後轉咗去苗廐，工夫由頭做起，今次有望響馬偉昌胯下開齋。

梁廷鏘