賠率有路捉：百利旺WP硬淨

魑魅魍魉

　　第三場早飛「皆大歡喜」係41蚊大熱門好合理，柏寶同韋達嘅「新薪」同「好玩」成為次熱同第三熱都冇人異議。但係有隻馬卻突然有飛，講緊係「百利旺」，呢隻蔡約翰馬房嘅賣剩蔗，轉入吳廐後十三戰連P都冇，上仗仲因腳傷退出，根本十倍都嫌少，邊個估計到噚日三點只係得72蚊W，P亦有支持，係22蚊第三熱門，好明顯有人WP齊落。

　　眾知周知呢隻馬腳患好嚴重，但埋門居然跳一段22秒4，健康似乎好番晒，以佢咁高班底，加上噚日強勁早飛，真係有權爆。

酒勝位置1.3倍

　　賠率古怪仲有第七場「酒勝」，呢隻神經刀上季威到盡，今季頭三仗亦取得一W兩P，但自此之後表現大幅回落，一席位置都欠奉，鐵馬斷纜梗係冇人吼，上仗更加係99倍大冷。真係估唔到噚日早飛只得七倍W，位置仲要係1.3倍大熱。真係唔知何方神聖咁有把握，既然隔晚WP都咁硬淨，唔通今晚真係突然回勇交出好表現﹖

熱捧柏寶

　　騎師王方面，韋達猛虎出柙，居然咁好分，今晚佢手馬唔好太高估﹔反而柏寶就熱到透，佢手馬中「再來風」、「新薪」、「駕馭」同「輕輕鬆鬆」已經足夠幫佢封王，再加埋邊線「莎朗之寶」及「勝利雄威」，十幾蚊有買趁手。

周仲