八哥福星唔怕路短

魑魅魍魉

主帥都爾停賽未完，華廐借將出擊下，剛戰以「好運精選」打破個多月頭馬荒，該駒食回頭草不久便開齋，梁定華省靚招牌。今晚谷戰續遣四駒出賽，其中「八哥福星」初用卓利兼縮程，尋求新突破，戰意毋庸置疑。
       
「八哥福星」（右）近仗不勝有位，演出穩定。

連續兩仗一哩不勝有位的「八哥福星」，今場縮程轉戰1200米，梁定華指此舉可給馬兒新鮮感。他續道：「考慮到『八哥福星』已有個半月無出賽，今趟復出跑較短路程1200米，相信會有一定新鮮感，說不定可成為『贏啲啲』翻版。本身擅跑谷草窄場，狀態保持水準，四班亦可立足，『八哥福星』今仗有力一拚。」
       
「浚鋒天河」上仗在杜利萊胯下入Ｑ，人馬合拍。
浚鋒天河將走生位

「浚鋒天河」季初由梁明偉贏谷草1200米開齋，之後跑過同程多次，間中則扳跑一哩，終於上賽由杜利萊在一哩後上重新入Q，今仗重返1200米。梁定華蠻有憧憬地說：「固然賽績顯示『浚鋒天河』跑1200米較佳，惟跑一哩留住衝一段，卻可交出1200米的追勁。質新馬目前狀態理想，今次排1檔若是跑C欄，形勢會較佳，跑A欄遇着2檔的『輕輕鬆鬆』，我擔心『浚鋒天河』會被後駒冚過，形勢變得被動。為此我已指示杜利萊一定要走生位，以給予坐騎最佳的爭勝機會。」