羅馬AC互撼玩大佢

猪拉多纳

今晚意甲有場大戰，羅馬主場對AC米蘭，兩隊現時同分，分列2、3位，今仗硬撼肯定有好戲睇。特別係羅馬一向大踢悅目進攻足球，包括盃賽內，今季11場主場每仗總入球都達到3球或以上，加上對手AC米蘭狀態亦弗爆，中位數2.5球嘅入球大，絕對係過關佳選。

（TVB 302周二凌晨4時直播）

羅馬教練史巴列堤崇尚進攻足球，呢支首都球隊今季踢咗15場聯賽，已經攻入35球，冠絕意甲。尤其係主場出擊，羅馬唔止攻得狠，而且成績亦好出色，計埋歐霸盃，近9場主場取得8勝1和，有姿勢有實際。不過羅馬防守麻麻，所以不時「回禮」，令今季11場主場總入球都有3球或以上。換言之，以中位數2.5球計，全部開入球大。

AC米蘭亦唔嘢小，近5場聯賽取得4勝1和，入咗11球，以中位數2.5球計，亦已連續4場開大。兩支「大戶」交鋒，好大機會合演入球騷。
費倫夠料(口趙)薩斯索羅

另一場意甲，費倫天拿主場對薩斯索羅，薩軍近況差之餘，近10場作客更只有3和7負，受讓半一都冇着數，捧兩連勝嘅費倫天拿上盤。

（TVB 302周二凌晨2時直播）

西甲亦有好戲碼，維拉利爾主場對馬德里體育會，馬體會今季跌晒Watt，聯賽已經落後踢多1場嘅榜首皇馬12分，加上近4場作客輸3場，讓唔起維拉利爾半一。

（Now 632周二凌晨3時45分直播）