光輝翻嗒水手

猪拉多纳

周六澳職3連發

新一季澳職尋日正式開鑼，揭幕戰布里斯班獅吼主場同墨爾本勝利賽和1比1，今日澳職續演3場賽事，尾場直播由珀斯光輝主場迎戰中岸水手。水手上季常規賽包尾兼創下多項羞家紀錄，今季缺乏資源想反彈唔容易，而且水手近4次作客光輝唔單止輸晒，當中有3次仲要淨輸2球或以上，今仗捧光輝2.15倍讓球主勝啱數。（有線64及203台周六晚7時直播）

2012至2013年季後賽盟主中岸水手近年成績插水，對上兩季都無緣進身季後賽，上季排包尾仲創下澳職創立以來、球隊單季最多敗仗（27場輸20場）及失波最多（70球）紀錄，雖然球隊今季由前國腳奧干代替禾姆斯利領軍，但奧干以往從未正式教過澳職球隊，經驗尚淺，而且球隊亦冇錢增兵，想重振雄風並唔易。
澳足盃贏獅吼熱晒身

珀斯光輝上季常規賽排第5位，論主場成績更排第3位，屬前列爭標分子，球隊今季留用上季合共射入23球嘅攻擊組合安迪基奧治與迪亞高卡斯度，防線亦加入了前澳洲國腳艾萊威廉斯，攻守實力得以保持。光輝喺季前澳足盃贏過實力唔錯嘅布里斯班獅吼，狀態唔錯，主場有力打開勝利之門。