森巴兵老鼠拉圭

猪拉多纳

世盃外圍賽南美洲區聽朝又有波踢，巴西好黑仔，上仗領先兩球，都畀烏拉圭逼和2比2，仲有射手尼馬同中堅大衞雷斯攞夠黃牌，今輪作客巴拉圭需要停賽，想贏呢支「剋星」就更加困難，寧願捧受讓嘅巴拉圭讓球主勝。

（周三早上8時45分開賽）

「森巴兵團」過去鬥巴拉圭，往往老鼠拉龜，無從入手，近3次對賽都打和，包括近兩屆美洲國家盃8強法定時間和波後，互射12碼畀巴拉圭淘汰，可見呢支「森巴殺手」絕對唔可以睇小。巴西另一隱憂係攻守主將尼馬同大衞雷斯都缺陣，即使領隊鄧加補選山度士前鋒加比爾巴保沙、哥連泰斯守將菲臘比蒙達里奧，都恐怕難彌補損失。同埋巴西今屆世盃外圍賽兩場作客都贏唔到，讓波有暗湧。

另1南美勁旅阿根廷主場迎戰玻利維亞，雙方實力懸殊，近兩次交手阿根廷全勝攻入12球兼不失，阿古路呢兩場獨取5球，今仗等睇佢表演。玻利維亞今屆外圍賽5戰4敗，加上離開高原主場，只能任由對手宰割，就算讓二球照撐阿根廷讓主。
阿根廷烏拉圭齊捧「讓主」

至於烏拉圭主場對秘魯，蘇亞雷斯上仗復出即為烏拉圭建功，連拍檔卡雲尼都踢得特別醒神。呢條夢幻鋒線出擊，炒得起近兩場外圍賽失5球嘅秘魯，同樣要讓球主勝。