流浪者飄忽難靠 阿聯惡客有雞偷

猪拉多纳

澳職今日有兩場賽事，其中排次席的西悉尼流浪者，將於主場迎戰「四哥」阿德萊德聯。「二哥」西悉尼流浪者近況反覆，嚟到澳職常規賽直路階段，表現不穩隨時令排名有變，失去來屆亞冠盃參賽資格。相反阿德萊德聯雖然剛結束聯賽不敗走勢，但球隊聯賽作客戰績彪炳，遇上狀態欠穩嘅西悉尼流浪者有力反客為主，讓球主客和西悉尼流浪者讓一球，阿King推介讓球客勝。

（有線64及203台周六下午4時30分直播）

澳職常規賽已進入最後直路，各隊只剩餘4輪賽事，除首6名球隊可進身季後賽外，常規賽冠、亞軍更可率先攞到來屆亞冠盃嘅參賽資格。現時頭4名球隊只係相距2分，今周4強互撼，勝負將對榜首形勢有極大影響。「二哥」西悉尼流浪者今日會喺主場迎戰「四哥」阿德萊德聯，榜首4強之中以西悉尼流浪者近況最差，近6仗聯賽只係贏得兩場，主場更曾以2比5大敗予弱旅威靈頓鳳凰，可見佢哋狀態一般。

至於阿德萊德聯上仗雖以0比1不敵墨爾本城，聯賽14仗不敗走勢告終，不過對手乃爭標分子之一，實力旗鼓相當下落敗屬非戰之罪。阿德萊德聯聯賽作客已經連贏5場，客場發揮更勝主場，而且球隊近7次對西悉尼流浪者取得3勝3和1負嘅戰績，往績佔上風下有力反客為主，1.9倍讓球客勝非常值博。
瑞典盃雙馬戰吼半場細

另一場澳職中岸水手主場對ＦＣ悉尼，水手後衞米高尼爾坐完波監復出，弊在輪到中場路爾斯加西亞及米治柯士甸停賽；相反ＦＣ悉尼中場保斯基雖續受傷患困擾，但今仗作客仍然值得看好，捧讓球客勝。至於夜啲有場瑞典盃4強戰卡爾馬主場對馬模，馬模係老牌班霸，計往績佔上風，但卡爾馬勝在近況夠弗，雙方過往交手半場旺開細，不妨再追！