流浪者轟落噴射機爭一哥

猪拉多纳

周日賽場花多眼亂，阿King精選澳職紐卡素噴射機主場對西悉尼流浪者作為過關重心。流浪者今仗只要贏波，就可以拍住布里斯班獅吼並列榜首，對爭奪常規賽冠軍非常關鍵，梗係要好好把握今次黃金機會做一哥，戰意肯定高昂。加上流浪者近兩次對噴射機都贏晒，客W屬於過關必選。（周日下午2時開賽）

依家布里斯班獅吼以41分排榜首，但流浪者只要今仗贏波便追至同分。澳職已進入尾聲，如果流浪者今仗取勝，捧常規賽冠軍嘅機會就大增，球員肯定搏命。

特別係西悉尼流浪者前鋒卡斯迪倫狀態大勇，已連續兩場建功，今場要入波絕對唔成問題。
弗賴堡托弗乘勝追擊

紐卡素噴射機上仗爭季後賽資格「6分波」輸畀珀斯光輝後，進身季後賽希望大減，一班球員難免洩氣，加上今仗仲有防線主力丹尼爾慕倫停賽，令防線更見危機。另外，巴西中場李安納度辛迪亞高受傷上陣成疑，相信今仗招架唔住來勢洶洶嘅西悉尼流浪者。

另外，德乙弗賴堡取得聯賽4連勝，踩行油爭升班資格，今仗作客態沉嘅FSV法蘭克福，有力再下一城。