森林冇料到 狼隊主W啱數

猪拉多纳

曾經喺歐洲球壇輝煌一時嘅英格蘭老牌球隊諾定咸森林缺席英超達16年，今年係球會創會150周年，但球隊成績依然冇起色，依家喺英冠排第15位，雖然近況睇落唔錯，近4戰錄得3勝，但3場勝仗都係喺主場取得，作客就錄得4連敗，今晚作客狼隊，阿King真係唔睇好森林可以爆冷，一於簡簡單單捧主勝！

（TVB 301周六凌晨3時45分直播）

狼隊上場作客洛達咸，正選陣容收起隊中神射手阿科比，但都夠贏對手2比1，估計領隊積基特今場會搵番呢位22歲前「槍手」打正選，更有力擊敗作客腳軟嘅森林！阿科比係阿仙奴青訓產品，上季被「兵工廠」借到米爾頓凱恩斯，即以10個入球協助球隊由升上英冠。今年被狼隊用大約200萬鎊（約2,351萬港元）買斷，依家仲以7個聯賽入球暫時成為球隊神射手。森林近4作客全敗只入得1球，正宗作客蟲，主勝有1.93倍趁早買呀！

另外西甲獨腳戲，基達菲主場鬥皇家蘇斯達，雖然基達菲最近兩連敗，但兩場都係作客，其中一場對手仲要係皇馬，輸波情有可原，球隊近6主場錄得4勝，今場主場對住作客3連敗嘅皇家蘇斯達有望添食，平手盤一於要基達菲！

（now 632周六凌晨3時30分直播）
法甲卡昂唔赦雷恩

最後講埋法甲賽事，雷恩主場迎戰卡昂，雷恩近6主場不勝，相反卡昂近兩仗作客先後大勝波爾多及打和摩納哥，受讓當然要捧啦！

（TVB 302周六凌晨3時30分直播）