賀歲賽攻略：近三季賀歲戰例贏 捧東霍賀姚四廐

纯情小彩迷

　　【本報資料】今日初三賀歲戰，翻查近三季同日賽事，發現練馬師告東尼、霍利時、賀賢及姚本輝三年都有馬贏，明顯是一番精心部署，務求於賀歲戰贏馬攞頭彩。而騎師方面，九屆冠軍韋達及蘇銘倫近三年都有頭馬見面，今日兩人手握多匹實力馬，必可延續勝利。

　　告東尼及霍利時近三季各贏五W，成績最佳，而且均於上年成功起孖。前者勝出「正本仁心」及「金玉滿堂」，今日又強兵壓境，當中固然以出戰第九場打吡預賽的「締造美麗」勝望最大，加上由近三年均有馬贏的蘇銘倫主轡，更覺十拿九穩。此駒上仗剛於此子胯下輕取經典一哩賽，先奪四歲系列賽首關，今日出戰第二關打吡預賽，可謂志在必得。

　　至於霍利時上季則憑「京樂飛翔」及「帝聖龍駒」起孖，今日六匹列陣馬中，可向第五場四班1400米的「確叻星」埋手，這匹六歲馬今季初出於三班同程追入第四，距離冠軍「大家開心」及亞軍「喜盛龍」僅四分三馬位，加上上季兩勝四班此程，蹄下敗將包括「海王子」及「八運寶」，今日換上贏馬拍檔蔡明紹，有晒搏殺手影，超級馬要睇實。

　　另外，賀賢亦累積四W，今日五匹列陣馬中以第三場四班1600米的「芙蓉威龍」最值得睇好，質新馬上仗第二次出賽，初跑1400米即被捧3.9倍大熱門，雖然不敵「有莊有閑」跑第二，但已證明實力唔簡單，後上馬增程跑1600米必合，開齋在望。

    　本地倉姚本輝則取得三W，留意姚廐近兩季所勝出的「浪濤峰」及「綠駿群英」均於前一仗跑入三甲，反映一心安排有近績馬出擊，今日姚廐有此類馬「豐衣足食」披甲，一定要捧場。