馮諾嘉手記： 締造美麗 蘇銘倫執盃耳

纯情小彩迷

　　�a緊大年初三沙田有十一場賽事，當中最矚目梗係賀年盃同香港打吡經典一哩賽早前已經舉行過，接住嚟嘅就係呢場打吡前哨戰，壓軸好戲當然係打吡大賽喇﹗

　　雖然呢三場係四歲馬系列賽事，但係又唔似得三冠大賽以及香港速度系列嗰三關，連贏兩場或三場嘅話有額外獎金收，所以睇番往年同類賽事，戰馬未必會跑晒三場之外，更未必會次次傾盡全力，多少都會留力跑打吡大賽。

　　睇番以往四歲馬系列賽踲成績，冇馬可以連贏三場，同三冠王大賽以及香港速度系列一樣，要做三冠王相當困難，但係各場頭馬就有個共通點，就係跑打吡大賽時都會跑入前列，好似07至08年度，贏香港經典一哩賽嘅「喜蓮福星」同贏香港打吡預賽嘅「綠色駿威」，喺打吡大賽嗰場就包辦咗條位置Q，亞軍馬係「喜聚寶」﹔上季贏香港經典一哩賽嘅「自由好」喺打吡獲亞軍，而贏香港打吡預賽嘅「首飾奇寶」亦喺打�吓艿谒摹�

　　近年四歲馬系列賽，成績最突出嘅就係「俊歡騰」，先後贏咗香港經典一哩賽同打吡預賽，其後嘅打吡大賽亦只係以鼻位之微僅輸畀「活力金剛」，未能大熱勝出締造三連冠佳績，所以，對於買三重彩嘅馬迷嚟講，呢三場賽事嘅賽果絕對係好有參考價值。

為俊歡騰圓夢

　　今季贏香港經典一哩賽嘅「締造美麗」，當日一放到底，贏第二名嘅馬成兩個幾馬位，姿態實在輕鬆，相信今場都會繼續成為大熱，呢匹又係告東尼馬房嘅戰駒，或可完成「俊歡騰」未圓嘅美夢，成為三冠王。睇番今場形勢，「締造美麗」係呢場評分最嘅馬，平磅賽佔盡便宜，抽得五檔不俗，上場喺蘇銘倫胯下輕勝，人馬好合拍，再戰打吡預賽，可以話係手執盃耳嚟跑。