|
年晚收爐，跑埋今期又要等到下年（虎年大年初三）至有馬跑，送歲賽有咩方向，信資料的話，睇睇D8 資料組有咩指點迷津吧。至於亨利又如何，未講馬之前，梗係要賣吓口乖先啦，謹祝《成報》讀者贏足兩年，送歲賽掘到金，賀歲賽一樣咁?！
呢期的嘅目標人物係阿巫，不過鍾意還鍾意，你叫我真金白銀捧佢騎師王，no way ！記憶中騎師王推咁耐，佢莫講話贏，高分啲都冇乜咁滯，與其擔沙塞海，博啲唔值得去博嘅彩池，不如實際啲，搵佢坐騎WP「扣」吓好過?！
佢今晚5 隻馬跑，「文武精英」和「開心風采」咪搞，前駒嘗試加程，近仗一再追唔切當然是誘因，但諗深一層，六歲至嚟加程，係咪要加一早加呢！？後駒上場贏到拍爛手掌，冇幾何見阿巫內欄咁樣博位上，驚喜過後，可一可再嗎？尤其今場還要縮程。
第二五七場有賣點
要「扣」還是着眼於第二、五及七場，「御將軍」唔知上場點輸，跟好位返嚟渣都冇，今場除眼罩即會變身？唔知喎，但B欄位好，咩事都可以發生。「發達心聲」幾勁則唔使點講，上場有本事贏到嘅對手完全冇得揮，孭住中磅再跑，除非剛仗贏到體力透支，如果唔係，幾難冇影囉！而「特好」重返三班，有晒selling point，加埋眼罩，肯去求變，似乎未滿足兩W落袋的現狀，準開嘅馬隨時博番纜。
亨利 | 
金睛卡
发表于 2010-2-10 10:10
变色卡
显身卡