洪禮賢講馬：跑三班特好

纯情小彩迷

　　第六場三班1800米。「財駿福星」之前唔知點贏，之後點輸就知，一場衰在前中段耗力多了，一場田草長直路，仲有一場就係因為路短兼沿途三叠。既然上場一哩唔多啱腳程都近，今次回到贏馬路程，仲排埋一檔，說不定又爆得。

　　第七場三班1200米。「特好」季初三場得2W1Q，近兩仗則輸唔遠啫，賽績開始滑落，但前仗Ｃ欄十一檔，早段因要救檔切入，咩先機都冇晒。而上場一出閘畀對手夾咗落去，出彎又外父咁外，唔輸才怪，故此，兩役只輸四乘許已算及格。今次返到三班場合，對手再唔係難啃如「開心風采」等駒，有埋眼罩如改善到前跟力，有權再Ｗ。