洪禮賢 講馬：捧韋躉自求多福

聪明的白痴

　　早陣子收到梁姓讀者賜電，趁有空檔不妨交代吓。交談內容大致上係圍繞同文嘉豪兄，梁君託洪某向嘉豪轉達，他的貼士水準不錯，並指他主持的賽馬節目言之有物云云，經轉達後嘉豪有以下的回覆﹕「多謝多謝。不過下次再有同類電話，拜託你（我）幫小弟回覆，謂我（他）從不會拿別人與自己比較，最重要是今日的我是否能打倒昨日的我。何況任何人都會有長短，懂得欣賞別人所長，兼收並蓄，方是做人之道。」成段對話一字不漏，希望梁君睇到吧。（如果係fans應該日日買《成報》啦，冇理由睇唔到，哈哈﹗﹖）

梁讀者讚揚嘉豪

　　對於有讀者讚許我們的作者，其實係一種肯定，知音難求是也，坦白說，嘉豪兄向來幾受「歡迎」，久不久瀏覽一些forum，外界對佢嘅評論都幾兩極化，一係鍾意，一係惡言相向。若以洪某個人而言，由於細細已睇佢嘅賽馬節目長大，唔多唔少會有一份親切感，當然熟還熟，假如佢隨口噏當秘笈，斷唔會依家仲睇緊佢做show，正如梁姓讀者所言，嘉豪兄的確係講到嘢，唔係濫竽充數的那類吧﹗（其實近期資料組也抵讚，兩中孖T，夾埋超過廿萬。）

　　真係要感謝嘉豪，冇佢就唔會咁快寫到文尾﹗﹖不過就算唔寫上述的文章，要搵題材也不難，單是韋冠軍周三的表現，已教人睇完心碎，「甜蜜至上」被阻佢唔想，「鋼寶」心律不正亦唔關佢事，但「美猴王」跑到咁，賽後佢亦冇提出抗議，假如有份落叠的馬友，點會唔七竅生煙，堂堂世界馬膽，跑到連P都差啲冇，直路攞位的過程，睇到令人噴飯。呢期佢又騎足咁多場，唔通頭馬數字一如近兩期，又係一場止，兩場冇法子﹗﹖苟如是，捧韋躉唯有自求多福。