伐木者地震「大」打翻身仗

猪拉多纳

美職明早有場獨腳戲，波特蘭伐木者主場對聖荷西地震，兩隊三日前喺美聯盃失意出局，今場梗係打翻身仗求反彈，再埋睇對賽往績，近三次交手都開出入球大，1.82倍大盤追得過喎！（周一早上11時開賽）

波特蘭伐木者係正宗地頭蟲，上場美聯盃作客輸畀皇家鹽湖城都好正常，睇番佢哋上場美職主場賽事就犀利咯，大炒西雅圖海灣者4比1，王牌射手費蘭度亞迪更梅開二度，助球隊主場豪取四連勝，今場要贏波睇怕都冇難度。不過主勝得1.48倍略嫌過熱，阿King就推介大家買1.82倍嘅入球大，除咗有往績支持，仲因為聖荷西地震近期火力都唔錯，近兩場聯賽入咗5球，作客同對手鬥攻都未驚過呀！
赫根「新居入伙」攞彩

除咗美職，阿King推介多兩場瑞超，先有赫根主場迎戰希爾星堡，赫根爭取多年終於都有自己新主場，今場係球隊首次於新主場出戰，梗係要打響頭炮，主勝捧得過。跟住就有兩日前踢完歐霸盃外圍賽嘅AIK蘇納作客卡爾馬，阿King擔心AIK班球員未回得切氣，卡爾馬主場出戰仲有得受讓咁筍，梗係要捧場喇！