「美女」晒冷做大事

猪拉多纳

雅歷絲摩根傷愈操弗晒

星期一繼續有兩場女子世盃16強賽事，聽朝輪到冠軍熱門登場，美國女足鬥哥倫比亞女足，熱捧1.52倍入球大最穩陣，畢竟美國女足靚女射手雅歷絲摩根好番晒，今仗肯定正選披甲，鋒力夠晒保證，撞啱對家哥倫比亞女足連續3場分組賽都有波入，班波質素唔曳，應該未至於一味捱打，咁嘅情況，玩大點都划算過撐「-2」嘅美女「讓主」。（中央5台周二早上8:00直播）

作為冠軍熱門之一，美國女足喺分組賽嘅表現，的確係幾令人失望，特別係最後1場分組賽以1:0搞掂尼日利亞後等收工，睇到唔少捧場客眼火爆。之不過咁，其實美國女足嘅質素真係超晒班，家陣嚟到淘汰賽階段，怕且班人應該唔敢再玩嘢。
哥倫比亞女足

3場分組賽都有波入

最令人放心嘅係，「美女」射手雅歷絲摩根，經過頭兩場分組賽後備上陣後，已經好番晒兼操番起狀態，上仗對尼日利亞女足已回歸正選名單，大家要知道，「摩根BB」孭住唔少贊助合約，以佢嘅能力同勁要面嘅性格，今鋪點都搏命省番靚個招牌，唔通真係要喺女子世盃食白果咁樣衰咩？

同時，雅歷絲摩根嘅鋒線拍檔、35歲射手兼隊長雲芭芝，上場亦踢番正選，期間仲有波入添，佢喺女子世盃歷來最多入球榜上面，暫時落後巴西女足嘅瑪達1球，今仗可以繼續同好拍檔雅歷絲摩根拍住上，肯定希望攻入個人第15個女子世盃入球。

對家哥倫比亞女足名不經傳，但查實佢哋陣中有唔少球員喺美國落班，喺分組賽仲勁到以2:0搞掂法國女足，3戰入4球並唔失禮，可見呢班波絕對唔可以睇小，今鋪對美國女足，夠晒本錢同對手死過，玩入球大最好。