泰國砌越南頭炮打得響

猪拉多纳

2018世界盃亞洲區外圍賽第二圈揭開戰幔，今晚上演F組泰國主場鬥越南。泰超球隊近年注入不少優質外援，連帶國家隊水準及成績都有顯著進步，首戰主場迎戰同組最大敵人越南力爭響頭砲，主W可捧。

（周日晚8時開賽）

亞洲區外圍賽第二圈共四十支球隊分為八組角逐，每組首名及四支小組最佳次名可進身下一圈。我哋香港隊同中國、卡塔爾、馬爾代夫及不丹身處C組，下個月先會踢首輪比賽，今晚搶閘上演嘅泰國對越南屬F組賽事，同組仲有伊拉克、印尼和中華台北。以實力計伊拉克屬此組最強，印尼、中華台北則為陪跑分子。泰國、越南目標同樣都係「爭二望一」，所以泰國首戰能否於主場贏波，對日後出線絕對有一定影響。
鄧達曾遊歷西甲有料到

泰超近年搞到有聲有色，武里南聯、春武里等勁旅喺亞洲球會級別賽事都有好表現，連帶國家隊水準都有顯著提升；2014年除咗贏得東南亞錦標賽冠軍，亞運男子足球亦成功殺入四強，實力不容小覷。主力前鋒鄧達曾經効力西甲球會艾美利亞，就算現時已回流泰國繼續其足球生涯，但級數仍在。越南雖然亦有殿堂級前鋒黎公榮壓陣，可惜球隊對上六次作客泰國只曾一勝，其餘五戰輸四場，往績輸蝕下今仗想搶分絕不容易。