傳奇快車傲視同群

不死鸟

除?昨文主角「勁勇士」，第四場尚有3匹52分新馬，其中呂?「鉅業光輝」已4歲與別不同，原則上成熟程度會較好，事實上此馬試閘次數亦較多，在澳洲試兩次分別跑二、三名，來港至今試3次最叻第4，整體表現不過不失，其父Xaar為97年歐洲頭號2歲馬，同系馬包括「功力勁」、「金玉滿堂」等，在外地大多早有表現，可歸納為早熟系列，但「鉅業光輝」之母未有上陣，產下3胎，亦只得1駒曾經入位，未證明過能力前難以高估。「兵奇臨」與「幸運駿駒」及「電光能源」同出自Elusive Quality，母線也是美國種，紙上血統係泥地馬，卻不代表草地唔掂，蔡?新馬試閘慣性冇?睇，睇唔透！
石?「辣得喜」與「精彩」、「長勝」等出自父系Tale Of The Cat，生母3捷於1200至1400米，應是短途威力最強，查番匹馬響澳洲由華人練馬師Tommy Wong訓練，同類例子「威力無窮」、「金添好運」初出皆有表現，雖然排檔欠理想，也不敢掉以輕心。「傳奇快車」與「蓮華生輝」同出一脈，並同由姚本輝訓練，上季新馬班能輕取「金堡龍華」，質素坐底值二班，132磅無懼。