墨爾本勝利撻着吼大

猪拉多纳

澳職今日上演前列大戰，由排第三嘅墨爾本勝利主場對排第二嘅阿德萊德聯。兩支球隊同樣喺聯賽未輸過，而且近況相當唔錯，今仗交手相信入波唔會少，阿King捧入球大。

（有線64及203周五下午4時40分直播）

墨爾本勝利、阿德萊德聯同FC悉尼係目前澳職嘅不敗之師，但由於三隊和波次數多，所以榜首球隊仲係珀斯光輝。勝利近期聯賽表現唔錯，尤其係主場已連贏四仗，主力射手貝利沙同艾奇湯臣已經上晒力，加上今仗有兩位後防主將謝利亞同尼高拉斯安素傷愈復出，對球隊士氣大有幫助，今仗有力攻破對手大門。

阿德萊德聯今季作客表現仲好過主場，球隊聯賽客戰已連贏三仗而且每場都攻入對手兩球，可見呢隊波火力甚強。阿德萊德聯今仗雖有後衞佐敦艾斯因傷缺陣，但兩位中前場主力迪捷特及卡路斯卡皆傷愈復出，令球隊攻力更銳利。兩班波嘅火力都咁強，阿King捧入球大。
布里斯托城殘陣捱「細」界

西甲皇家蘇斯達有後衞卡路士馬天尼斯及米基干沙利斯因傷上陣成疑；作客嘅艾爾切亦有前鋒艾華路基文尼斯及中場艾朗尼古斯養傷，兩軍皆有主將缺陣下當然捧艾爾切讓球客勝。至於英甲布里斯托城兩連敗兼入唔到波近況明顯回落，今仗仲有後衞麥克列圖，中場韋德艾利洛，前鋒韋斯般斯缺陣；至於彼德堡亦缺少前鋒馬卡斯麥迪臣及後衞積克包雲，兩隊近期入球量都偏低，建議玩入球細。

（TVB 301周六凌晨3時45分直播）