達拉斯白帽煞星起筷

猪拉多纳

季後賽展開 先嚟淘汰圈

新一季嘅NBA終於都開鑼，而另一邊廂嘅美職亦踢完常規賽，季後賽階段正式開打，頭炮有西岸淘汰圈賽事，FC達拉斯主場對溫哥華白帽，FC達拉斯唔單止有主場之利，對賽往績亦佔優，主勝值得一博。

（周四早上9時開賽）

西岸最後一個季後賽席位鬥得激烈，溫哥華白帽同波特蘭伐木者鬥到常規賽最後一輪，伐木者先喺作客擊敗已經上岸嘅FC達拉斯，而隨後嘅白帽一定要贏科羅拉多急流，先可以反壓前者攞季後賽資格，結果白帽贏得驚險，辛辛苦苦殺到嚟季後賽階段。相反達拉斯輸畀伐木者冇乜參考價值，擺明係留力今場同對手死過，白帽體力上未打先輸。
驗經往績白帽輸晒

FC達拉斯喺美職攻力排第4，常規賽34場波入咗55球，足足多白帽13球，全靠一對射手巴拉斯佩雷斯同法比安卡斯迪路表現穩定，二人喺常規賽各入11球，而巴拉斯佩雷斯更係「白帽煞星」，今季對住白帽一共入咗3球，今場主場出戰，又遇上白帽有主力後衞拜達斯侯亞因傷缺陣，確係佩雷斯時筷好時機！

白帽無論經驗定對賽往績都較輸蝕，講經驗白帽只有7位球員踢過15場美聯盃淘汰賽，球隊冇乜呢種大賽經驗，踢落實會比較緊張，論往績達拉斯近五次主場對白帽贏晒，主勝唔怕追。