肯薩斯門將荒大件事

猪拉多纳

上季美職總冠軍慘遭「滅門」﹗憑住超強防守登上上季美職冠軍寶座嘅肯薩斯體育會近期鬧「龍門荒」，正選鋼門卡朗貝治兩個月前左手骨折，由後備門將古爾尼巴姆頂上，但呢位31歲門將上月都試過受傷，雖然佢上場已經復出，但狀態未起，今場作客紐約紅牛，失波難避免，入球大值得一博。

（TVB 301周日早上7時30分直播）

肯薩斯體育會近三仗全敗兼場場都失三球，前兩場都係由只得21歲嘅莊甘賓把守最後一關，上場對新英倫革命就由古爾尼巴姆復任正選，不過無助球隊改善防守，依然失三球，皆因後防球員講求默契同配合，門將除咗負責救波之外，亦需要向防守球員提場，咁樣先有助堵塞防守漏洞。牽一髮動全身，當門將同後防球員唔夠默契，防守自然會變差。至於主隊紐約紅牛嘅防守亦都唔算好，聯賽近七次主場場場都有失波，今場大盤好路呀﹗
費城聯勒住踢吼半場和

今季美職常規賽殺入最後階段，爭緊東岸季後賽最後一席位嘅FC多倫多同費城聯又再碰頭，費城聯暫以較佳得失球力壓主隊多倫多，所以今場首要任務係保持不敗，料會以守為先，半場和值捧。至於排喺西岸第6位嘅溫哥華白帽就會喺主場迎戰東岸一哥華盛頓聯隊，白帽近期陷入球荒，三場波一球不入，一於捧狀態大勇嘅華盛頓聯隊贏波！