邊有穩勝兼好分頭

猪拉多纳

　　正如昨文提到，其實我覺得問心水馬是人之常情的事，但我亦曾遇到被嘲諷的經歷，感覺到將自己心底裏的話說出來，竟然會得到意想不到的答案，所以以後遇到類似情況，大抵也有一組特定的答案去應對！

　　話說有日在入場途中，碰到馬迷問心水馬，我記得開賽前正下雨，根本事前度的馬，遇到變化場地肯定有顧忌，在大家不清楚場地下，何來信心可言！但有一匹是大熱門，大概2.5倍，我跟問者說，無論落唔落雨作賽，也無損此駒的競爭力，如正常發揮的話，贏面是十分十分高。但問者再追問是第幾場，我便說是列陣尾場，此時，他面色一變，尾場？現在還未跑第一場，都唔知捱唔捱到尾場，仲要係大熱門，語帶嘲諷的態度回答，頓令我覺得心灰意冷，無所適從！

　　大佬，我都沒有轉彎抹角只是講真話，跟你說出我認為贏面大的馬，也許我本身目標、立場很清晰，入得賭場這些地方當然唔係求玩，係希望求贏，你要場場參與做英雄，我都無辦法，可能彼此參與賽事的心態根本就唔同。試問邊個唔想求一匹有可觀分頭並且穩勝的馬，恕我評馬無料，我認為係無可能的事呢！