森巴兵「大」有可為

猪拉多纳

虛名之戰當表演

好同意荷蘭主帥尹戈爾嘅講法，究竟世界盃踢季軍戰嚟做乜？一場除咗虛名並無實質意義嘅波，可以帶畀球員、球迷乜嘢呢？或者係表演啩，所以今晚深夜場巴西對荷蘭，抱住等睇入球騷心態博1.57倍入球大。
力爭士哥氹Fans

季軍戰的確好無聊，除咗啲足球落後地區，會當季軍、殿軍係個成就，恐怕啲傳統勁旅都會認為係多餘嘅，入唔到決賽爭冠軍，對佢哋嚟講已經係失望兼失敗，如果爭個無謂嘅名次嗰陣仲要輸多場，就更加痛上加痛，難怪尹戈爾、德國名宿馬圖斯都反對搞壇咁嘅嘢。事實上整場季軍戰出嚟，除咗電視轉播費、門票收益多啲，對國際足協嘅好處似乎大過其他人。

正因為咁，荷蘭唔少國腳都吽吽聲唔多願踢。相比之下，主辦國巴西4強揩咗鋪杰嘅，當係氹Fans又好，當係防止再發生暴動又好，最理想梗係贏番場，於是乎大多數菠菜公司都稍稍睇好巴西。不過，「森巴兵團」太謝皮喇，打真軍未必咁易贏到荷蘭，以佢哋條紙紮防線，前面入到波都可能畀人隊番一、兩球，博入球大真係冇壞。