大摩馬海戰玩死馬迷

猪拉多纳

　　馬海戰術乃大摩的慣常策略，每次猜度其主副誰屬，馬迷無奈大感頭痛。如果賽前訪問大摩，哪駒會是馬房主力？他的答覆定是打官腔，話隻隻都會傾力以赴，或隻隻均有一定機會。但事實上，大摩對旗下馬匹瞭如指掌，會不知何駒贏面最突出嗎？正如剛戰的亞視盃，摩廐兵分五路，最終由「駿馬名駒」奪標，大摩會不知道嗎？

　　上星期六田戰，賭博士身在馬場睇跑馬，於第七場賽後，發現貝湯美精神有異，當他騎完「家品大王」，準備返過磅室覆磅途中，全程緊閉雙目，面露痛苦神色，猶如初生小貓般，兩隻眼睛無法瞪開，特別是右眼情況最嚴重；及至第八場馬匹行圈，湯美仔騎上馬背巡遊，繼續以「盲俠」姿態示人，一看便知有眼疾！

　　結果，是場「駿馬名駒」順利捧盃；及後，湯美仔迅即宣布退下火線。由此可見，大摩早已授下贏馬錦囊，湯美仔知道胯下坐騎是主力，肥水不留別人田，當然要騎完才退出啦！

　　(賭博士)