拉科華倫做入球騷

港陌

21/05/2011


除咗「皇基」，拉科主場對華倫西亞呢場波都好重要。拉科今場贏波就成功護級，可惜今仗佢哋有守將艾泰美停賽焗住喪攻，撞正火力勁嘅華倫，朱楓博1.75倍入球大！


蘇爾達杜近7戰入11球


拉科目前領先尾3嘅薩拉戈薩1分，但計埋對賽，拉科其實輸蝕畀薩拉戈薩同基達菲，今場幾乎一定要贏波，先可以肯定護級成功，可惜呢班波上仗作客被「巴塞二隊」逼和0:0不得止，今季入2球嘅守將艾泰美仲攞夠黃牌要停賽，今鋪被迫以攻為守，同華倫駁火。




最重要一點，係華倫雖然已肯定攞季軍，但佢哋近仗都冇放軟手腳，前鋒蘇爾達杜（左圖左）近7戰狂轟11球，加上近6次華倫作客拉科獲3勝3和不敗戰績，與其估邊隊贏，不如博兩軍鬥攻開入球騷仲好啦！