法甲3雄搶歐聯入場券

港陌

21/05/2011


西甲、英超、意甲冠軍已名花有主，今周煞科戰焦點將落在榜尾護級，其中英超五隊只能活三隊，未到最後一刻都唔知邊兩隊陪韋斯咸降班。另外，曼城及阿仙奴將力爭季軍，希望可以直入歐聯分組賽。




法甲剩餘兩輪，榜末形勢同樣緊湊，朗斯、阿勒斯已篤定降班，第十二位嘅華倫西恩斯至尾三嘅摩納哥只有三分差距，稍一不慎隨時萬劫不復。歐洲賽席位方面，里昂、聖日耳門及雷恩都有機會爭逐一張歐聯外圍賽入場券。由於今屆法聯盃、法足盃冠軍分別為馬賽及里爾，法足盃亞軍聖日耳門亦已穩入前六，所以三個歐霸盃席位將由聯賽四、五、六名取得。