四季星4號位扣殺

猪拉多纳

告東尼踏入4月手風超順，連贏四次賽事，唔單止外借猛將韋達、雷神受惠，而佢兩個徒弟蔡明紹同吳嘉晉都一人執番場。
       
四季星

吳嘉晉雖然暫時騎功未做到外界所定要求，但告仔收得佢為徒，應該會有作為，今期彈隻「四季星」佢跑，抽到理想4檔有運行！
       
吳嘉晉

「四季星」在香港頭兩場贏晒，即刻畀人捧到天咁高，點知跟住跑廿一場都冇贏過，馬圈內外都好失望，馬房話隻馬比較情緒化，所以演出失準。
       
告東尼連贏四日

上次跑完抖一抖，只係做兩課快跳，等隻馬保持新鮮感，埋門特登叫吳嘉晉過檔跳三段，增加人馬溝通，今次改跑谷草1200米，等隻馬早段唔使搶得咁急，排埋個4檔靚位，可以話啱晒波路！