金威勝唞夠連捷

猪拉多纳

　　第一場第五班1600米，這場賽事共有四駒落班上陣，我不時強調，四班與五班的差距很大，加上現今減分制度，不少年青力壯但只是火喉未夠之馬，輾轉就落到五班出賽，這些馬只要狀態一起，勢必佔有優勢。

　　至於今次四匹落至五班的賽駒中，共有三匹只是四歲，只要無傷患，已有力搞亂大局；而剩下的一匹落班馬，亦是季內跑五班賽未甩獎金的「財源來」，今仗重返五班機會不可抹煞，拖住穩陣！

　　不過講到博W則是另一回事，最後我都係信雷神的「金威勝」，此馬近期的精采演出，令我覺得牠是匹非一般的五班馬，問題只是之前埋首於泥地求功，而跑法又過於被動，難免要有好際遇才成事。再者，我講過很多次，細馬不宜困馬林，一係走二叠生位，一係就留後轉彎從外叠衝刺，那才不會被外側馬壓着來衝，你看同是細馬的「福爾摩斯」近兩仗怎樣贏馬便知道。當然，這也不能一概認為細馬就是膽怯畏群，只是比率較高而已。「金威勝」上仗於田草1800米走生位一衝過晒，唔同騎師真有唔同效果，唞夠回足氣縮至1600米再來，應是「有雷神，無頭痕」吧！

    (馬會賽事 首席評述員)