高友勁跟前爆得

猪拉多纳

　　第五場第四班1800米草地，「綠豆爽」隔三周半回氣再跑，加上少有安排拍跳工夫，照計應該有份量，但負132磅排14檔兼回爭田草長直路，形勢變下風；「白鷺高飛」上次右前蹄有問題退出，換來更多回氣時間，對細馬來說有好無壞，但經常強調細馬不喜困於馬林衝刺，你看牠至今唯一頭馬怎贏便知道，但若果兜大彎，對住這批對手又未必蝕得起；「贏男」上仗際遇差，輸亦無話可說，何況賽後驗出氣管有血，今仗再來要跟；「勇進」排外檔又會入彎踩油，未必頂得到尾。

　　「長勝勇將」外地兩勝1700米，眼罩亦有正面幫助，可冷配；「龍之欣」休息三周其實唔算多，可幸細馬神色仍佳，但要對手有閃失才有勝望；「一團威」向來難贏，但近戰演出穩定，不過跑田草始終欠殺着；「海洋活力」斷過工夫試跑仍不懂轉腳；「時來風送」欠朝氣；「瀟洒勁龍」兩勝後馬上唞近三周才復課，狀態仍喼到，不過升班對手大不同；「兄弟醒」仄馬中，要留意走勢。

　　博W吼「高友勁」，今季無一場採用前領煞食跑法卻一再跑近，上次已有拍閘工夫，用蔡明紹或會擺前，放得出可爆冷。

    (馬會賽事 首席評述員)