|
歐聯今晚開火! 快速反擊搵到食
歐聯「死亡F組」今晚又上演大戰,首輪贏波嘅阿仙奴同拿玻里會喺酋長球場開火。兩隊各自喺聯賽都幾順,不過「兵工廠」傷兵一個接一個,睇怕就嚟要改名做「傷兵工廠」!人腳有限,呢兩個禮拜仲要一個星期踢兩場,打到殘晒又邊有力射穿連拿十指關,讓波信唔過,捧1.78倍拿玻里「讓球客勝」。
(有線61、201及中央5台周三凌晨2:45直播)
如果個個精神爽利嘅話,阿仙奴班底其實唔差,可惜個天好似要考驗佢哋咁,開季到依家一直畀傷兵問題纏擾——阿迪達、華美倫可以復出,又輪到禾確特賴嘢,加埋普多斯基、阿歷士張伯倫、耶耶辛洛高同戴亞比等仲養緊傷,路斯基同辛迪卡索拉雖然話希望趕得切復出啫,但畢竟係「希望」囉!阿仙奴開季呢兩個月幾乎嚟嚟去去都係嗰十四、五個球員頂晒,鐵人都腳軟啦!
賓尼迪斯熟晒阿仙奴路
其實阿仙奴季前喺酋長盃已經同拿玻里交過手,當時喺上半場先輸兩球下,最終追番2:2唔使輸。雖然近來有奧斯爾同法米尼兩個實力派中場加盟,但係佢哋對住拿玻里嘅快速鋒線相信會幾吃力。睇番上屆歐聯,「兵工廠」主場輸畀史浩克04同拜仁慕尼黑,正正係畀對手嘅高速反擊打殘。
拿玻里首場贏多蒙特贏得精彩,希古恩同荷西卡利祖呢對箭頭狀態大勇,有恩斯治尼同咸錫鋪橋搭路,作客大有機會踢最擅長嘅快速反擊。教練賓尼迪斯喺英超打滾多年,已經熟晒阿仙奴路數,歐洲賽經驗亦非常豐富,就算馬治奧受傷缺陣,近7戰6勝1和嘅佢哋,要保住不敗絕對唔難!
希古恩歐聯第50戰
今仗會係希古恩第50次歐聯上陣。
雙方今季都未試過半場落後。
阿仙奴對上5仗都有失波。
玩埋1.7倍入球大
阿仙奴對上5仗都有失波,以梅迪薩卡夥拍哥斯尼鎮守嘅後防始終畀唔到人太大信心。拿玻里爛打右閘馬治奧因膝傷缺陣,左閘辛尼加就攻強過守,大家後防都麻麻,1.7倍入球大都玩得過!
歐聯F組
頂占筍盤:拿玻里(讓球客勝) |
|