御鋒動作靈活

猪拉多纳

　　昨晨跳馬不算多，七時正草地千八米開放供馬匹試跑或彈閘，不乏睇頭。

　　「御鋒」助手在草地試八百米，動作靈活，衝刺挺勁，體力已告復原，在回起中。

　　「黃金宅男」蘇狄雄、「安琛」楊明綸與「威風大班」助手同在草地彈閘，前兩駒應聲而出，並肩爭持到底，未分勝負，「黃金宅男」相當墜手，火氣充裕，頗為搶鏡；「安琛」腳步爽朗，日益成熟；「威風大班」落後兩乘而回，並非力有不逮，只係本身並非快馬，馬身收實，保持良好進度。

　　「爪黃飛電」田泰安、「金獅威將」助手結伴在草地彈閘，並駕齊驅，埋門幾步「爪黃飛電」自動加速湧上，贏大半個身位，台型俊俏，漸見上力，初起階段；「金獅威將」身強體壯，腳步爽朗，頹氣漸消。

　　「好先生」黎海榮在草地試八百米，步幅開得闊，走勢硬朗，操養有一手，老而彌堅。

　　「乖乖寶貝」助手、「喜發龍」助手及「龍華太旨」湯智傑在草地彈閘，躍出均順利，跑了半程「乖乖寶貝」及「喜發龍」漸漸加速帶離，結果「喜發龍」贏約一乘而返，走來有聲有色，予人印象勝前；「乖乖寶貝」翻步靈活，上勁起力，漸入佳境；「龍華太旨」愈跑愈褪。

　　「萬事勇」副練試八百米，馬身飽滿紮實，過直路不浮不躁，神態活躍，漸及水準。

　　「風之子」助手試八百米，輕描淡寫完成，出腳爽朗，生氣勃勃，八分光景左右。

　　「至尊飛星」助手試四百米，蹄姿輕快，勁力比前增強，精神爽利，予入印象不錯。

　　「公証揚聖」薛寶力試千二米，楊明綸策「常勝龍王」佔先乘多帶放引導，電算機前外檔的「公証揚聖」獲准展步上前，一齊衝線，走來似模似樣，有點轉機；「常勝龍王」受到挑戰雖未落下風，惟走勢仍見吃力。

　　「開心歡笑」助手試八百米，步伐整齊有力，肌肉結實，生氣勃勃，未盡老頹。