伊奧維爭緊升班居然冇飛

猪拉多纳

《蠱蠱惑惑》今日第一次同各位《太陽波經》嘅讀者見面，希望可以同大家一齊發掘到好嘢，齊齊贏錢。

第一擊揀咗場今晚10點開波嘅英甲伊奧維對梳士貝利，主隊屬於英甲中嘅實力分子，賽前位列積分榜第6位，唔止躋身升班附加賽形勢大好，更仍然有希望爭奪聯賽亞軍，直接升班英冠。所以就算近3次主場得2和1負，今場迎戰第17位嘅弱旅梳士貝利，依然獲一眾歐洲莊家睇好。相反，梳士貝利雖然近4仗錄得2勝2和，但由於同降班區嘅距離愈拉愈遠，大有高不成低不就之勢，球員戰意難測，遭歐莊們睇淡亦可以理解。
梳士貝利客W偏熱有得爆

不過，素來開盤好少「死錯人」嘅足智彩，今場又一次無視歐洲莊家嘅賠率走勢，開出比好多大莊家好分嘅伊奧維W，同時就重手調低客W，動態似防客軍爆冷取分，希望冇捉錯用神，決定扒逆水撐客軍，玩少少受讓一球嘅「讓球客勝」。聽日再見！
登地足智彩W熱得離奇

蘇超其中一場表面實力懸殊之戰！賽前排積分榜第6嘅基爾馬諾克，今仗主場迎戰包尾大幡、下季好大機會蘇甲見嘅登地，主隊唔贏波都真係唔好意思，睇番歐洲平均賠率嘅差距，反映獲歐洲全線莊家睇好可以贏波。

不過足智彩就開出幾乎全球最好分嘅主勝，就同時間大幅撳低和同客勝兩瓣，建議冷敲受讓嘅2.03倍「讓球客勝」。