水手博開齋打劫貴州

猪拉多纳

亞洲冠軍球會盃分組賽，身處H組嘅澳職球隊中岸水手主場對中超FC貴州。中岸水手近期演出令人滿意，於澳職常規賽尾段取得三連勝，預料澳洲一方把強勢帶到去亞冠盃當中。FC貴州剛於聯賽取得今季首場勝利，正面賽果雖有助提升球員士氣，不過今次要飛到澳洲比賽，對FC貴州肯定唔易捱。今場中岸水手贏波機會較高，主W值得捧場。

（廣東體育周三下午4時直播）

中岸水手已躋身澳職季後賽，首場比賽將於四月中舉行，故此球隊無需作任何保留，今場大可全力進攻。其實水手於最後幾場常規賽都有唔錯發揮，連續三場聯賽贏晒，似乎球隊利用聯賽去「磨刀」，力求以最佳狀態迎接亞冠盃以及澳職季後賽。水手仍未於亞冠盃分組賽勝出，爭勝決心一定唔差得過對手，留意老將麥比連寶刀未老，季尾一樣入球頻頻，今場靠佢數胡。FC貴州開季後演出不佳，剛賽雖然擊敗FC武漢，但一場勝利難以令球隊於短期之內大幅度提升競爭水平，正路揀選主W。
藍翼柏雷素爾大火併

同組水原藍翼主場對柏雷素爾，大盤值得關注；南韓球隊水原藍翼近兩場分組賽都打和，球隊對於賽果唔多服氣，今場一定會把握地利優勢拚過明白。至於柏雷素爾踢法夠主動，今場同樣會向主隊施壓，主客雙方心態積極，大盤係唔錯嘅選擇。