淘汰賽穩字行先兩場要晒細

猪拉多纳

今日菠菜市場焦點落晒喺兩場歐聯8強賽事身上，其中拜仁慕尼黑上場聯賽9比2狂數對手，真係誇張到不得了。不過，去到歐聯8強淘汰賽階段，各支參賽球隊首回合會踢得格外謹慎，大家好似捉棋咁作出針對性部署，唔易出現入球騷，肥叔預期入波唔會多。

拜仁前面擁有大批優質進攻球員，強如洛賓都唔係必然正選，確實幾得人驚，不過，大家要留意一點，佢哋上場聯賽喺全無壓力情況下大勝，今次形勢完全唔同，特別係對手由漢堡換上意大利防守專家祖雲達斯，根本完全係兩回事，莊家開大細中位數2.5球大盤高水，咪以為好筍，小心跣到攤攤腰。另一場聖日耳門對巴塞，好多人一見到巴塞二話不說就捧大盤，呢種買法喺西甲玩勉強仲得，但打歐聯完全係兩回事。巴塞上圈作客AC出事，吸收經驗後會踢得更加小心，佢哋喺客場以不敗為目標，讓波真係唔抵玩。肥叔認為今次兩場歐聯都唔多士哥，投X策略都係先玩細盤，再因應形勢作出調整。
賓約哥主場夠惡贏得

同日有場亞冠盃賽事亦值得留意，烏茲別克勁旅賓約哥又係靠主場搵食，喺自己地頭一向惡氣十足，今場對手FC北京只係亞洲二線球隊，未夠級數喺作客場合發圍，賓約哥贏得啦！
肥叔心水

賓約哥 上盤

拜仁慕尼黑 細

巴黎聖日耳門 細

侯城 大