熱刺遇風流波趁勢反彈

猪拉多纳

歐聯各大聯賽進入白熱化階段，投X前記緊認清楚球隊目標，英超錦標基本上已為曼聯囊中物，但下屆歐聯資格爭持仍然非常激烈。熱刺上季攞第4位都冇得踢歐聯，極之唔抵，更加刺激佢哋要奪取下屆參賽權。熱刺經過連續兩場失分後，今晚作客對踢風流波嘅史雲斯，正好趁機反彈，小讓平半上盤可取。

（有線302及202台周六晚11時直播）

由於車路士以歐聯衞冕身份參賽，令上季排第4嘅熱刺冇得踢今屆歐聯，球隊上下真係欲哭無淚。慶幸今季唔會再發生呢種情況，熱刺可以專心一致爭前4。雖然話熱刺近期喺聯賽遭逢2連敗，但幸好有個國際賽檔期畀佢哋喘息，重新調整心態，以熱刺上乘人腳及領隊保亞斯嘅教波功力，料可及時回勇。
史雲斯無欲無求

熱刺恨參加歐聯恨到發燒，相反對手史雲斯捧咗英聯盃冠軍，可以踢下屆歐霸盃，今季任務可以話已經完成，戰意大打折扣，過去兩場聯賽表現走晒樣。呢種中小型球隊洩咗道氣後，往往會一蹶不振，受讓都冇着數。

另外，歐聯8強將於下周中展開，今個周末聯賽小心提防相關球隊留力，多蒙特同拜仁慕尼黑屬於「高危球隊」。皆因德甲爭標形勢大局已定，兩軍必定會集中火力打歐聯，而且拜仁同多蒙特都有多位主將剛踢完國際賽，今晚更加有可能收起佢哋休息，讓波之下宜捧對家。
肥叔心水

卡利亞里 下盤

慕遜加柏 下盤

史特加 下盤、大

雷丁 下盤、大

熱刺 上盤

漢堡 下盤