流浪者搶冠軍碟騎劫射機

猪拉多纳

澳職常規賽今個禮拜煞科，焦點當然係紐卡素噴射機鬥西悉尼流浪者啦！流浪者攞多1分就能奪得常規賽冠軍，消息話起碼有5,000球迷隨隊出征，龐大應援團加上弗爆走勢，2.18倍客W走唔甩！

（有線64周五下午2:30直播）
噴射機希斯基紮住上

噴射機為爭入季後賽非勝不可，但主力射手希斯基今仗係紮住上，狀態有幾多真係好難講，況且佢哋近3仗全部失分之餘仲勁失8球，後防咁唔穩陣仲要急住搶3分，焗攻隨時畀對手有機可乘。

係，流浪者靈魂兼首席射手小野伸二因為鼠蹊受傷，今日會聯同停賽嘅守將拿洛卡齊齊缺陣，人腳都唔係太完整，之不過中場艾朗穆爾同隊長比奧甘傷愈復出，賽會亦已經喺獵人球場準備咗常規賽冠軍碟，以流浪者近11仗贏10場嘅強勁走勢，今鋪點會甩拖吖？