甘馬雷斯無懼甲組一哥挑戰

猪拉多纳

多得葡萄牙足總，安排甲組仔比蘭倫斯越級挑戰甘馬雷斯嘅葡盃4強首回合，喺國際賽日後緊接上演，成為今晚唯一受注賽事，等一眾寂寞難耐嘅波友可以有啲細藝。

話說今季葡甲由過往嘅16隊大幅增至22隊，搞到成日要加開快車，「甲組一哥」比蘭倫斯惟有接受喺國際賽期踢盃賽，但佢哋嘅射手拉馬比及中堅基爾，周日先至代表完佛得角踢世盃外圍賽，雖然可以趕及歸隊，但舟車勞頓難免蝕底。
比蘭倫斯未遇葡超對手

縱使比蘭倫斯已經喺葡甲帶甩次席嘅阿洛卡22分，絕對有條件兼顧盃賽，加上開季葡甲主場取得16戰15勝佳績，難怪今仗癲到讓葡超嘅甘馬雷斯平半，不過佢哋對上5圈嘅手下敗將，全部都只係同級或更低組別對手，反觀甘馬雷斯近3圈先後淘汰塞圖巴爾、馬里迪莫及布拉加3支葡超隊伍，晉級過程明顯有說服力得多，受讓值得捧場。

（開賽時間：周四凌晨4:00）
葡盃賽制

採主客兩回合淘汰制，今輪為4強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊憑作客入球優惠晉級，若加時沒有入球，則需互射12碼決勝。
足球重心：甘馬雷斯（下盤）

馬膽推介：5場(4)綠豆爽

前仗初戰谷草1800米即贏到冇晒對手，就知搵啱出路，上場沿途外疊，僅輸畀一步不蝕嘅「幸運勝利」實屬欠運，今仗回配柏寶可以補中。